బోయపాటి డైరెక్షన్‌లో బాలయ్య నటిస్తున్న చిత్రం ‘అఖండ’. రేపు నందమూరి బాలకృష్ణ పుట్టిన రోజు సందర్భంగా ఈ సినిమా నుంచి, స్పెషల్ పోస్టర్ గానీ .. ట్రైలర్ గాని .. సింగిల్ గాని రావొచ్చని ఫ్యాన్స్‌ భావిస్తున్నారు. ఈ నేపథ్యంలో తాజాగా ఈ సినిమా నుంచి ఒక స్పెషల్ పోస్టర్ ను వదిలారు. విజయోత్సవంతో ప్రజలంతా సంబరాలు జరుపుతూ ఉంటే, హీరో బాలకృష్ణ దర్జాగా నడుచుకుంటూ రావడం ఈ పోస్టర్ లో కనిపిస్తోంది. ‘సింహా’ .. ‘లెజెండ్’ సినిమాల్లో మాదిరిగానే., ఈ సినిమాలోను బాలకృష్ణను బోయపాటి మరింత హ్యాండ్సమ్ గా చూపిస్తున్నట్టు తెలుస్తోంది.
భారీ బడ్జెట్ తో మిర్యాల రవీందర్ రెడ్డి ఈ సినిమాను నిర్మిస్తున్నారు. ప్రగ్యా జైస్వాల్ ఈ సినిమాలో హీరోయిన్‌గా నటిస్తూ ఉండగా, ఒక ముఖ్యమైన పాత్రలో పూర్ణ కనిపించనుంది. ఇక హీరో శ్రీకాంత్ ఈ సినిమాలో పవర్ఫుల్ విలన్ గా చేస్తున్నాడు. తమన్ సంగీతం ఈ సినిమాకి ప్రత్యేకమైన ఆకర్షణగా నిలవనుందని చెబుతున్నారు. విభిన్నమైన లుక్స్ తో బాలకృష్ణ కనిపించే ఈ సినిమాను, దసరా సందర్భంగా విడుదల చేయాలనే ఆలోచనలో ఉన్నట్టుగా తెలుస్తోంది. బాలకృష్ణ ఆ తరువాత సినిమాను గోపీచంద్ మలినేనితో చేయనున్న సంగతి తెలిసిందే.
Wishing our #Akhanda, #NandamuriBalakrishna garu A very Happy Birthday. Here’s #AkhandaBirthdayRoar for you💥💥#HBDBalakrishna #HappyBirthdayBalakrishna #BoyapatiSrinu @ItsMePragya @actorsrikanth @IamJagguBhai @MusicThaman #MiryalaRavinderReddy @dwarakacreation pic.twitter.com/QI9EKzYHuw
— Dwaraka Creations (@dwarakacreation) June 9, 2021
