టాలీవుడ్‌లో ‘కౌశల్య కృష్ణమూర్తి’ సినిమాతో ఎంట్రీ ఇచ్చింది ఐశ్వర్య రాజేష్. ఈ బ్యూటీ తాజాగా విజయ్ దేవరకొండ తో కలిసి ‘వరల్డ్ ఫెమస్ లవర్’ సినిమాలో నటించింది. తాజాగా ఈ ముద్దు గుమ్మా రోడ్డు పై దోశలేస్తూ కనిపించింది. హీరోయిన్ రోడ్డు పై దోసలేసుకోవడం ఏంటా అనుకుంటున్నారా.. ?. ప్రస్తుతం ‘కబాలి’ ఫేమ్ పా రంజిత్ నిర్మిస్తున్న మూవీలో హీరోయిన్‌గా నటిస్తోంది ఈ బ్యూటీ. ఈ సినిమాకు సతీష్ అనే కొత్త దర్శకుడు దర్శకత్వం వహిస్తున్నాడు. ఇక ఈ చిత్రం షూటింగ్ విరామ సమయంలో ఐశ్వర్య రోడ్డు పక్కనే దోశలు వేస్తున్న ఒక మహిళ నుంచి పెనం తీసుకుని కాసేపు ఎగ్ దోశలు వేస్తూ సందడి చేసింది. ఈ వీడియో ఇప్పుడు సోషల్ మీడియాలో చక్కర్లు కొడుతుంది. తెలుగులో నాని హీరోగా శివ నిర్వాణ తెరకెక్కిస్తున్న టక్ జగదీష్ సినిమాలో ఐశ్వర్య రాజేష్ హీరోయిన్‌గా నటిస్తుంది.
https://www.instagram.com/tv/B9UFT8RJPgR/?utm_source=ig_web_copy_link
