ప్రముఖ దర్శకుడు మణిరత్నం తాజా చిత్రం పొన్నియన్ సెల్వన్. ఐశ్వర్యరాయ్ కీలక పాత్రలో నటిస్తోంది. భారీ బడ్జెట్తో రూపొందుతున్న ఈ సినిమాను లైకా ప్రొడక్షన్స్ నిర్మిస్తుండగా మణిరత్నం కూడా ఇందులో భాగస్వామిగా ఉన్నారు. చారిత్రక అంశంతో తెరకెక్కుతున్న ఈ సినిమాను తెలుగు, తమిళం, మలయాళం, కన్నడ, హిందీ భాషల్లో విడుదల చేస్తున్నారు. ప్రపంచ వ్యాప్తంగా సెప్టెంబర్ 30న ప్రేక్షకుల ముందుకు రాబోతుంది.
ఈ మూవీని రెండు భాగాలుగా రూపొందిస్తున్నారు. మొదటి భాగాన్ని PS-1గా విడుదల కాబోతుంది. భారీ అంచనాల మధ్య 5 భాషల్లో ఈ చిత్రాన్ని విడుదల చేస్తున్నారు. చియాన్ విక్రమ్తో పాటు కీలక తారలు మొత్తం ఈ చిత్రంలో నటిస్తున్నారు. ఇందులో విక్రమ్ చోళరాజు ఆదిత్య కరికాళన్గా కనిపించనున్నాడు.
తాజాగా ఈ సినిమాకు సంబంధించి ఐశ్వర్యరాయ్ లుక్ను రిలీజ్ చేశారు. ఈ సినిమాలో పళువూర్ క్వీన్ నందినిగా ఐశ్వర్య కనిపించబోతోంది. ఐశ్వర్య అందంగా కనిపిస్తున్నా ప్రతీకారం కోసం రగిలిపోయే మహారాణిగా ఆమె పాత్ర ఇందులో చాలా ప్రత్యేకంగా వుంటుందని చిత్ర బృందం తెలిపింది. ఐశ్వర్య రీఎంట్రీ తర్వాత నటిస్తున్న భారీ మూవీ ఇదే. ఇప్పటికే ఈ సినిమా ప్రమోషన్స్ను మొదలుపెట్టింది చిత్రబృందం.
