యాంకర్‌ ఓంకార్‌ తమ్ముడు హీరో అశ్విన్‌ బాబు.. జీనియస్‌, రాజుగారి గది 2, రాజుగారి గది 3 తదితర చిత్రాలతో తెలుగు ప్రేక్షకులకు పరిచయ్యాడు. ప్రస్తుతం ఆయన అనిల్‌ కృష్ణ డైరెక్షన్‌లో ఓ సినిమా చేస్తున్నాడు. నేడు అశ్విన్‌ పుట్టిన రోజు సందర్భంగా ఈ సినిమా టైటిల్‌, అశ్విన్‌ ఫస్ట్‌లుక్‌ని చిత్ర బృందం విడుదల చేసింది. ఈ చిత్రానికి ‘హిడింబ’ అనే విభిన్న టైటిల్‌ ఫిక్స్‌ చేశారు.
నుదుటిపై నెత్తుటి మరకలతో సీరియస్‌ లుక్‌లో దర్శనమిచ్చి ఆకట్టుకుంటున్నాడు అశ్విన్‌. దీన్ని బట్టి చూస్తుంటే ఈ సినిమా యాక్షన్ ప్రధానంగా తెరకెక్కుతున్నట్టు అనిపిస్తుంది. నందితా శ్వేత హీరోయిన్‌గా నటిస్తోంది. రఘుకుంచె, రాజీవ్‌ కనకాల, శ్రీనివాస్‌ రెడ్డి కీలక పాత్రల్లో కనిపించనున్నారు. శ్రీ విఘ్నేశ్‌ కార్తీక్‌ సినిమాస్‌ పతాకంపై గంగాపట్నం శ్రీధర్‌ నిర్మిస్తోస్తున్నారు.
