Aha Original Movie:
తెలుగు వినోదాత్మక కంటెంట్ కోసం ప్రముఖ స్ట్రీమింగ్ ప్లాట్‌ఫారమ్ అయిన ఆహా ఈ మధ్య మంచి సినిమాలతో ప్రేక్షకులను అరిస్తున్నారు. ఆహా ఒరిజినల్ అయిన డ్రామా కామెడీ సినిమా బాలు గాని టాకీస్ ఇప్పుడు త్వరలో ప్రేక్షకుల ముందుకు రానుంది.
ఈ చిత్రానికి విశ్వనాథన్ ప్రతాప్ దర్శకత్వం వహిస్తుండగా, శ్రీనిధి సాగర్ నిర్మాతగా, పి. రూపక్ ప్రణవ్ తేజ్ సహనిర్మాతగా వ్యవహరించారు. తెలుగు ఇండియన్ ఐడల్ సీజన్ 3 లో ఈ సినిమా విడుదల తేదీని ప్రకటించడం జరిగింది. బాలు గాని టాకీస్ 2024 సెప్టెంబర్ 13న ఆహా లో విడుదల కానుంది.
త్వరలోనే సినిమా ప్రచార కార్యక్రమాలు ప్రారంభం కానున్నాయి. ఈ సినిమాలో ప్రధాన పాత్రలో శివ రామ చంద్రవారపు నటించగా, శరణ్యా శర్మ, రఘు కుంచే, సుధాకర్ రెడ్డి, వంశీ నెక్కంటి, సురేష్ పూజారి, శేఖర్ వంటి ప్రముఖ నటులు ప్రధాన పాత్రలలో కనిపించనున్నారు.
ఈ చిత్రంలో కామెడీతో పాటు డ్రామా కూడా ఉంటుంది అని.. సినిమా ప్రేక్షకులకు వినోదం అందించనుంది అని సమాచారం. స్మరణ్ సంగీతం, బాలూ సందిల్యాస సినిమాటోగ్రఫీ, ఆదిత్య బి.ఎన్. నేపథ్య సంగీతం, అశ్వంత్ బైరి కాస్ట్యూమ్ డిజైన్, అశ్విత్ గౌతమ్ స్క్రీన్‌ప్లేతో పనులు చూసుకున్నారు.
