Adah Sharma gets trolled: హార్ట్ ఎటాక్ సినిమాతో టాలీవుడ్‌లో హీరోయిన్‌గా ఎంట్రీ ఇచ్చింది ఆదా శర్మ. ఆ తరువాత హీరోయిన్‌గా ఆమెకు పెద్దగా అవకాశాలు రాలేదు. దీంతో సెకండ్ హీరోయిన్‌గా పలు చిత్రాల్లో నటించింది. అయినా ఆమెకు ఆశించినతంగా గుర్తింపు రాలేదు. దీంతో కొన్నాళ్లపాటు సినిమాలకు దూరంగా ఉన్న ఆదా.. ఇప్పుడు కంటెంట్ ప్రాధాన్యత ఉన్న యాక్షన్ సినిమాలు చేస్తుంది.
ఈక్రమంలోనే ఈ అమ్మడు పలు వివాదంలో చిక్కుకుంటుంది. అవేం పట్టించుకోకుండా వరుస సినిమాలతో దూసుకుపోతుంది. గతంలో ది కేరళ స్టోరీ సినిమాలో నటించి సంచలనం సృష్టించింది ఈ బ్యూటీ.. ఇప్పుడు బస్తర్ సినిమాతో ప్రేక్షకుల ముందుకు వచ్చింది. అయితే ఈ మూవీ బాక్సాఫీస్ వద్ద పాజిటివ్ రివ్యూ అందుకున్న కలెక్షన్స్ మాత్రం రాబట్టలేకపోయింది.
కానీ ఈ మూవీలో మరోసారి తన నటనతో ప్రశంసలు అందుకుంది ఆదా శర్మ. అయితే ఈ సినిమాను అంగీకరించినందుకు కొందరు తనను దారుణంగా ట్రోల్ చేశారని ఇటీవల ఓ ఇంటర్వ్యూలో వెల్లడించారు. సోషల్ మీడియాలో తాను ఏ పోస్ట్ చేసిన కామెంట్స్ మాత్రం ఈ చిత్రాన్ని ఉద్దేశించి వచ్చాయని.. చాలా దారుణమైన మాటలతో విమర్శించారని అసహనం వ్యక్తం చేశారు.
బస్తర్ సినిమాను ప్రకటిస్తూ పోస్టర్ రిలీజ్ చేసిన సమయానికి ఇంకా తనను ఎంపిక చేయలేదని. అందులో తన ఫోటో కూడా లేదని అన్నారు ఆదా. కేవలం ఒక అడివిని చూపిస్తూ సినిమా పేరును మాత్రమే ప్రకటించారని.. కానీ అందులో నటించే నటీనటుల వివరాలను ఇంకా వెల్లడించలేదని.. కానీ అప్పటికే తాను ఈ సినిమాలో నటిస్తున్నట్లు వార్తలు ప్రచారం జరిగిందని తెలిపింది. దీంతో తనను టార్గెట్ చేస్తూ సోషల్ మీడియాలో కామెంట్స్ చేయడం ప్రారంభించారు అని ఆవేదన వ్యక్తం చేసింది. ది కేరళ స్టోరీ సినిమా సమయంలో కొందరు ఆ సినిమా చూడకుండానే మూవీ గురించి మాట్లాడారని తెలిపింది.
ఆదాశర్మ మాట్లాడుతూ.. ‘సోషల్ మీడియాలో కామెంట్స్ చేసే స్వేచ్ఛా మీకు ఉన్నట్లు.. బస్తర్ లాంటి సినిమా తీసే హక్కు మాకు ఉంటుంది. ఆ విషయం ఎందుకు అర్థం చేసుకోరు. ఈ సినిమాలో నేను నటిస్తున్నానని ప్రకటించిన తర్వాత నాపై నెగిటివ్ కామెంట్స్ ఎక్కువయ్యాయి. నేను అందంగా ఉన్న పువ్వుల ఫోటో పెట్టినా దానికి ఇబ్బందికరమైన కామెంట్స్ చేస్తున్నారు. వేశ్య వంటి పదాలను వాడుతూ ట్రోల్ చేస్తున్నారు. సినిమా చూసే ముందు తీర్పు చెప్పే వ్యక్తుల ఆలోచనలు చూసి తనకు మొదట్లో చికాకు కలిగింది. ఆ తర్వాత మెల్లగా ఆ కోపం తగ్గిపోయింది. ప్రస్తుతం ఎలాంటి వ్యాఖ్యలు వచ్చినా.. సినిమా చూడకుండా విమర్శించాలనుకున్నా పట్టించుకోను’ అంటూ చెప్పుకొచ్చింది. ప్రస్తుతం ఆదా చేసిన కామెంట్స్ సోషల్ మీడియాలో వైరలవుతున్నాయి.
