టాలీవుడ్ హీరో ర‌వితేజ నటిస్తున్న తాజా చిత్రం ‘రామారావు ఆన్ డ్యూటీ’. యూనిక్ థ్రిల్ల‌ర్ క‌థాంశంతో వ‌స్తున్న ఈ సినిమా జులై 29న గ్రాండ్‌గా విడుద‌ల కానుంది. డెబ్యూ డైరెక్ట‌ర్ శ‌ర‌త్ మండ‌వ ద‌ర్శ‌క‌త్వం వ‌హిస్తున్నారు. ఈ సినిమా నుంచి ఇప్ప‌టికే విడుద‌లైన టీజ‌ర్‌, పాట‌ల‌కు మంచి స్పంద‌న వ‌స్తోంది. విడుద‌ల తేదీ ద‌గ్గ‌ర‌ప‌డుతున్న కొద్దీ మేక‌ర్స్ ఏదో ఒక అప్ డేట్ ఇస్తూ.. ప్రేక్షకుల్లో ఆసక్తిని కలిగిస్తున్నారు.
తాజాగా ఈ మూవీ యాక్ష‌న్ స‌న్నివేశాల‌కు సంబంధించిన మేకింగ్ వీడియోను విడుద‌ల చేశారు. యాక్ష‌న్ థ్రిల్ల‌ర్‌గా తెర‌కెక్కుతున్న ఈ చిత్రంలోని స్టంట్స్ ర‌వితేజ సినిమాపై అంచనాలు పెంచేస్తున్నాయి. జులై 16న థ్రియాట్రిక‌ల్ ట్రైలర్ విడుద‌ల కానుంది. దివ్యాంశ కౌశిక్ , ర‌జిష విజయన్ ఈ సినిమాలో హీరోయిన్‌లుగా నటిస్తున్నారు. వేణు తొట్టెంపూడి, నాజ‌ర్‌, త‌నికెళ్ల‌భ‌ర‌ణి, ప‌విత్ర లోకేష్ కీలక పాత్రల్లో నటిస్తున్నారు. ఎస్ఎల్‌వీ సినిమాస్‌, ఆర్‌టీ టీమ్ వ‌ర్క్స్ బ్యాన‌ర్ల‌పై నిర్మిస్తున్నారు.
