యాక్షన్ కింగ్ అర్జున్‌ సర్జా.. ఆంజనేయస్వామికి పరమ భక్తుడు. ఆయన చెన్నైలో హనుమాన్‌ ఆలయాన్ని ఇటీవల నిర్మించిన విషయం తెలిసిందే. తాజాగా ఆలయ ప్రారంభోత్సవం వేడుకగా జరిగింది. వేద పండితుల మంత్రోచ్ఛారణల నడుమ ఆయన కుటుంబసభ్యులు, సన్నిహితుల ఈ ప్రారంభోత్సవ కార్యక్రమంలో పాల్గొన్నారు. దీనికి సంబంధించిన వీడియో ప్రస్తుతం నెట్టింట్లో వైరల్‌గా మారింది.
చెన్నై విమానాశ్రయానికి దగ్గరలో ఉన్న తన సొంత స్థలంలో అర్జున్‌ ఈ ఆలయాన్ని నెలకొల్పారు. సుమారు 15 సంవత్సరాల క్రితమే ఈ మహత్తర కార్యక్రమానికి ఆయన శ్రీకారం చుట్టారు. సర్వాంగ సుందరంగా రూపుదిద్దుకున్న ఈ ఆలయంలో దాదాపు 35 అడుగుల ఎత్తైన హనుమాన్‌ విగ్రహాన్ని ప్రతిష్ఠించారు.
