సీనియర్‌ నటి శ్రీలక్ష్మి, ‘కేరింత’ ఫేమ్‌ పార్వతీశం ప్రధాన పాత్రల్లో నటిస్తున్న చిత్రం ‘సావిత్రి w/o సత్యమూర్తి’. చైతన్య కొండ డైరెక్షన్‌లో వస్తున్న ఈ సినిమా అరవై ఏళ్ల మహిళకు.. పాతికేళ్ల కుర్రాడిలా కనిపించే భర్త ఉంటే ఎలా ఉంటుంది? అనే ఆసక్తికర కథాంశంతో ఈ సినిమా తెరకెక్కింది. తాజాగా ఈ సినిమా నుంచి ‘అచ్చమైన తెలుగు ఇంటి అమ్మాయివే’ పాటను చిత్రబృందం విడుదల చేసింది. సత్య కశ్యప్‌ సంగీతం అందించగా సాయి చరణ్‌ ఈపాటను ఆలపించారు. మహేంద్ర క్రియేషన్స్ పతాకంపై గోగుల నరేంద్ర ఈ చిత్రాన్ని నిర్మిస్తున్నారు. త్వరలో ఈ చిత్రం విడుదల కానుంది.
