టాలీవుడ్‌ యంగ్‌ హీరో ఆది సాయికుమార్‌ నటిస్తున్న తాజా చిత్రాల్లో ‘క్రేజీ ఫెల్లో’ ఒక‌టి. సిరికి ఫ‌ణికృష్ణ ఈ సినిమాతో ద‌ర్శ‌కుడిగా ప‌రిచ‌య‌మ‌వుతున్నాడు. చిత్రం నుండి విడుద‌లైన ప్ర‌చార చిత్రాలు, పాట‌లు సినిమాపై మంచి బ‌జ్‌ను క్రియేట్ చేశాయి. తాజాగా మేక‌ర్స్ సినిమా రిలీజ్‌ డేట్‌ని ప్ర‌క‌టించారు.
యూత్ ఫుల్ ఫ్యామిలీ ఎంట‌ర్టైన‌ర్‌గా తెర‌కెక్కిన ఈ చిత్రం సెప్టెంబ‌ర్ 16న ప్రేక్ష‌కుల ముందుకు రానున్న‌ట్లు మేక‌ర్స్ పోస్ట‌ర్‌ను విడుదల చేశారు. ప్ర‌స్తుతం షూటింగ్ శ‌ర‌వేగంగా జ‌రుపుకుంటున్న ఈ చిత్రం ఆదికి మంచి బ్రేక్ ఇస్తుంద‌ని న‌మ్ముతున్నాడు. ఆర్ఆర్ ధృవ‌న్ సంగీతం అందిస్తున్నారు. ఈ సినిమాలో దిగంగ‌న సూర్య‌వంశీ, మిర్నా మీన‌న్ హీరోయిన్లుగా న‌టిస్తున్నారు. స‌త్య‌సాయి ఆర్ట్స్ ప‌తాకంపై కెకె రాధామోహ‌న్ ఈ చిత్రాన్ని నిర్మిస్తున్నాడు.
