హీరో ఆది పినిశెట్టి త్వరలోనే పెళ్లి పీటలు ఎక్కనున్నాడు అనే వార్తలు వైరల్‌ అవుతున్నాయి. హీరోగా, విలన్ గా, క్యారెక్టర్ ఆర్టిస్టుగా నటిస్తూ మెప్పిస్తున్న ఈ హీరో గత కొంత కాలంగా హీరోయిన్ నిక్కీ గల్రాని ప్రేమలో ఉన్నట్లు వార్తలు గుప్పుమంటున్న సంగతి తెలిసిందే. వీరిద్దరూ కలిసి తమిళ్ లో రెండు సినిమాలు చేశారు. అవి తెలుగులో మలుపు, మరకత మణి.. పేర్లతో డబ్ అయ్యాయి కూడా.
ఇక ఈ షూటింగ్ లోనే ఈ జంట ప్రేమలో పడిందని వార్తలు వినిపిస్తున్నాయి. ఇప్పటివరకు వీరి ప్రేమ విషయంపై వీరిద్దరూ నోరు విప్పింది లేదు. అయితే తాజాగా ఆది సన్నిహిత బంధువు ద్వారా ఆది, నిక్కీ ల వివాహానికి ఇరువర్గాలు ఒప్పుకున్నారని, త్వరలోనే వీరి నిశ్చితార్థం జరగనుందని తెలుస్తోంది. ఇక దీంతో కోలీవుడ్ వర్గాలు వీరి ప్రేమ నిజమేనని, త్వరలో వీరి పెళ్లి జరగనున్నదని చెప్పేస్తున్నారు. మరి ఇందులో నిజమెంత ఉందో తెలియాలంటే ఈ జంట స్పందిచాల్సిందే.
