టాలీవుడ్ యంగ్‌ హీరో సుధీర్ బాబు, కృతి శెట్టి జంటగా నటించిన చిత్రం ‘ఆ అమ్మాయి గురించి మీకు చెప్పాలి’. మోహనకృష్ణ ఇంద్రగంటి డైరెక్షన్‌లో వచ్చిన ఈ సినిమాని బెంచ్ మార్క్ స్టూడియోస్, మైత్రీ మూవీ మేకర్స్ బ్యానర్ పై మహేంద్రబాబు, కిరణ్ బల్లాపల్లి నిర్మించారు. కాగా, తన బావ సుధీర్ బాబు నటించిన ఈ సినిమా ట్రైలర్ ను టాలీవుడ్ సూపర్ స్టార్ మహేశ్ బాబు నేడు విడుదల చేశారు.
ఈ ట్రైలర్ ను విడుదల చేయడం సంతోషంగా ఉందని మహేశ్ బాబు తెలిపారు. చూస్తుంటే ఈ సినిమా చాలా ఆసక్తికరంగా ఉండేట్టుందని వ్యాఖ్యానించారు. సుధీర్ బాబు, కృతి శెట్టి, ఇంద్రగంటి మోహనకృష్ణలతో పాటు యావత్ చిత్రబృందానికి శుభాకాంక్షలు అంటూ ట్వీట్ చేశారు.
