సుధీర్ బాబు హీరోగా నటిస్తున్న తాజా చిత్రం ‘ఆ అమ్మాయి గురించి మీకు చెప్పాలి’. విభిన్న చిత్రాల దర్శకుడిగా పేరున్న మోహన కృష్ణ ఇంద్రగంటి డైరెక్షన్‌లో వస్తున్న ఈ సినిమాకి మొదటి నుండి పాజిటివ్ బజ్ క్రియేట్ అయ్యింది. కృతి శెట్టి ఈ సినిమాలో హీరోయిన్ గా నటిస్తుంది. తాజాగా ఈ సినిమా రిలీజ్‌ డేట్‌ ను విడుదల చేసింది మూవీయూనిట్‌.
ఈ చిత్రం సెప్టెంబ‌ర్ 16న విడుదల కానున్న‌ట్లు మేక‌ర్స్ పోస్ట‌ర్‌ను విడుదల చేశారు. ఈ పోస్టర్లో కృతిశెట్టి ప‌రిగెడుత్తుతుంది. కృతితో పాటే సుధీర్ బాబు మైక్ ప‌ట్టుకుని ప‌రిగెడుతున్నాడు. ఈ పోస్టర్లో సుధీర్ బాబు లుక్ తో పాటు కృతి శెట్టి లుక్స్ ఆకట్టుకున్నాయి. రాహుల్ రామ‌కృష్ణ కీల‌క‌పాత్ర పోషిస్తున్నాడు. బెంచ్‌మార్క్ స్టూడీయోస్‌, మైత్రీ మూవీ మేక‌ర్స్ సంయుక్తంగా ఈ చిత్రాన్ని నిర్మిస్తున్నారు. వివేక్ సాగ‌ర్ సంగీతాన్ని అందిస్తున్నాడు.
