నందమూరి కల్యాణ్ రామ్ వరుస పరాజయాలతో నష్టాలు చవిచూసే సరికి అతడిని గాడిలో పెట్టడం కోసం ఎన్టీఆర్ మిగిలిన సినిమాలన్నీ పక్కన పెట్టి ‘జై లవకుశ’ సినిమా ఎన్టీఆర్ ఆర్ట్స్ బ్యానర్ లో చేశాడు. ఈ సినిమా కోసం ఎన్టీఆర్ ఎలాంటి పారితోషికం తీసుకోలేదు. లాభాల్లో వాటా తీసుకుంటాడని తెలుస్తోంది. అయితే ఈ సినిమాను తక్కువ బడ్జెట్ లో పూర్తి చేయాలని ఎన్టీఆర్ సూచించాడు. మొత్తం కలుపుకొని సినిమాను 26 కోట్ల బడ్జెట్ లోపే పూర్తి చేసినట్లు తెలుస్తోంది. ఎన్టీఆర్ లాంటి స్టార్ హీరో సినిమాకు ఇంత తక్కువ బడ్జెట్ అంటే విశేషమే.
అయితే ఇప్పుడు ఈ సినిమాకు 80 కోట్ల వరకు బిజినెస్ జరుగుతోందని తెలుస్తోంది. అవి కాకుండా ఇతర రైట్స్ రూపంలో మరో ఇరవై కోట్లు వచ్చి చేరతాయి. అంటే మొత్తం పోనూ నందమూరి బ్రదర్స్ కు 80 కోట్ల వరకు లాభం అన్నమాట. మరి ఈ లాభాల్లో ఎన్టీఆర్ వాటా ఎంతనేది తెలియాల్సివుంది. మొత్తానికి నష్టాల్లో ఉన్న తన అన్నయ్యని ఒక్క సినిమాతో ఒడ్డున
పడేశాడు ఎన్టీఆర్.
