Mythri Movie Makers 2026 Lineup:
టాలీవుడ్‌లో టాప్ ప్రొడక్షన్ హౌస్‌లలో ఒకటైన మైత్రి మూవీ మేకర్స్ 2026లో భారీ సినిమాలతో ప్రేక్షకుల ముందుకు రానుంది. ఇటీవల ‘రాబిన్‌హుడ్’ ఈవెంట్‌లో నిర్మాత వై. రవి శంకర్ ఈ విషయాన్ని అధికారికంగా ప్రకటించారు. వీటిలో కొన్ని చిత్రాలు పాన్-ఇండియా స్థాయిలో రికార్డులు తిరగరాయనున్నాయని ఆయన ధీమాగా చెప్పారు.
1. ఎన్టీఆర్ – ప్రశాంత్ నీల్ (డ్రాగన్)
జనవరి 9, 2026న సంక్రాంతి రేస్‌లో సందడి చేయనున్న ఈ యాక్షన్ థ్రిల్లర్ ఎన్టీఆర్ ఆర్ట్స్ భాగస్వామ్యంతో మైత్రి నిర్మిస్తోంది. హాలీవుడ్ స్థాయిలో తెరకెక్కుతున్న ఈ చిత్రంలో ఎన్టీఆర్‌ను ఎన్నడూ చూడని మాస్ లుక్‌లో చూపించనున్నారని సమాచారం.
2. రామ్ చరణ్ – బుచ్చి బాబు (RC16)
స్పోర్ట్స్ డ్రామాగా తెరకెక్కుతున్న ఈ చిత్రం పాన్-ఇండియా మార్కెట్‌ను టార్గెట్ చేస్తోంది. రామ్ చరణ్ ‘రంగస్థలం’ తరహాలో మరో సెన్సేషనల్ రోల్ చేయనున్నారని అంచనాలు ఉన్నాయి.
3. ప్రభాస్ – హను రాఘవపూడి (ఫౌజీ)
భారత సైనికుల నేపథ్యంలో రూపొందుతోన్న ఈ వార్ డ్రామాలో ప్రభాస్ పాత చిత్రాలకు పూర్తిగా భిన్నమైన రోల్ చేస్తారని సమాచారం. కథలో ఎమోషనల్ డెప్త్ ఎక్కువగా ఉంటుందని నిర్మాత రవి శంకర్ అన్నారు.
4. పవన్ కళ్యాణ్ – హరీష్ శంకర్ (ఉస్తాద్ భగత్ సింగ్)
గత కొన్నేళ్లుగా వాయిదా పడుతూ వస్తున్న ఈ మూవీ 2026లో ఖచ్చితంగా విడుదల కాబోతోందని టీమ్ ధృవీకరించింది. పవన్ హరీష్ కాంబో అంటేనే మాస్ ఫ్యాన్స్‌కు ఫుల్ ఫీజ్ట్ అని చెప్పొచ్చు.
5. రిషబ్ శెట్టి – ప్రశాంత్ వర్మ (జై హనుమాన్)
‘హనుమాన్’ చిత్రానికి సీక్వెల్‌గా వస్తున్న ఈ మూవీ, ఇండియన్ సూపర్‌హీరో సినిమాల స్థాయిని పెంచేలా ఉండబోతోందని మేకర్స్ చెబుతున్నారు. నవంబరులో రిషబ్ శెట్టి షూట్‌లో జాయిన్ కానున్నారు.
6. విజయ్ దేవరకొండ – రాహుల్ సంకృత్యాన్ (VD14)
వైవిధ్యభరితమైన కాన్సెప్ట్‌తో రూపొందుతోన్న ఈ సినిమా, విజయ్ కెరీర్‌లో ప్రత్యేకతను సంపాదించుకునేలా ఉండబోతోందని సమాచారం. దర్శకుడు రాహుల్ ఈ స్క్రిప్ట్‌పై రెండున్నర ఏళ్లు వర్క్ చేశారని వెల్లడించారు.
ఈ భారీ లైన్‌పప్‌లో ఎన్టీఆర్-ప్రశాంత్ నీల్, ప్రభాస్-హను, రామ్ చరణ్-బుచ్చి బాబు, జై హనుమాన్ సినిమాలు తప్పకుండా రికార్డులు సృష్టిస్తాయని రవి శంకర్ ధీమాగా చెప్పారు. “ఈ సినిమాలు హిట్టవ్వకపోతే ఇకపై నా మాటలు నమ్మొద్దు” అంటూ ఆయన చేసిన స్టేట్మెంట్ సినిమాలపై అంచనాలను పెంచేసింది.
2026లో మైత్రి మూవీ మేకర్స్ టాలీవుడ్‌ను మరో స్థాయికి తీసుకెళ్లడం ఖాయం!
