Pushpa 2 vs Raghu Thatha: మహానటి కీర్తి సురేశ్ గురించి ప్రత్యేకంగా పరిచయం అవసరం లేదు. టాలీవుడ్‌లో నేను శైలజతో సినిమా ఎంట్రీ ఇచ్చిన ఈ ముద్దగుమ్మ తక్కువ కాలంలోనే స్టార్ హీరోయిన్‌గా మారిపోయింది.అయితే ఆ తరువాత వరుస ఫ్లాప్లను మూటగట్టుకుంది. ఆ టైమ్‌లో కొంచెం రూట్‌ మార్చి గ్లామర్ డోస్ పెంచేసింది.
అలానే డీ గ్లామర్ రోల్తో వచ్చిన దసరాతోనూ గతేడాది భారీ సక్సెస్ను ఖాతాలో వేసుకుంది. ప్రస్తుతం వరుస సినిమాలు చేస్తూ బాలీవుడ్ ఛాన్స్లను అందుకుంటోంది. ప్రస్తుతం తమిళంలో రఘు తాతా అనే సినిమా చేస్తోంది. సలార్తో భారీ సక్సెస్ అందుకున్న హోంబలే ఫిల్మ్స్ బ్యానర్ ఈ చిత్రాన్ని నిర్మిస్తోంది. రవీంద్ర విజయ్, ఎంఎస్ భాస్కర్, రాజీవ్, దేవదర్శిని తదితరులు ఇతర కీలక పాత్రలు పోషిస్తున్నారు. షాన్ రోల్డన్ సంగీతం సమకూరుస్తున్నారు.
సుమన్‌కుమార్‌ డైరెక్షన్‌లో వస్తున్న ఈ సినిమా నుండి తాజాగా విడుదలైన టీజ‌ర్‌కు మంచి రెస్పాన్స్ వచ్చింది. తాజాగా మేకర్స్‌ మూవీ రిలీజ్‌ డేట్‌ని విడుదల చేశారు. స్వాతంత్ర దినోత్సవం సందర్భంగా ఆగ‌ష్టు 15న ప్రేక్షకుల ముందుకు రానున్నట్లు ప్ర‌క‌టించారు. అయితే అదే రోజు అల్లు అర్జున్ హీరోగా నటిస్తున్న పాన్ ఇండియా మూవీ ‘పుష్ప 2’ కూడా విడుదల కానుంది. భారీ అంచనాల మధ్య విడుదల కానున్న చిత్రం పుష్ప-2.
సుకుమార్‌ డైరెక్షన్‌లో వస్తున్న ఈ సినిమాలో రష్మిక మందన హీరోయిన్‌గా నటిస్తుంది. ఈ సినిమాపై మంచి బజ్‌ ఉంది. ఈ రెండు ఆగ‌ష్ట్ 15న ఈ రెండు చిత్రాలు బాక్సాఫీస్ ముందు పోటీ పడనున్నాయనమాట. వాస్తవానికి కమల్హాసన్ ఇండియన్ 2 కూడా ఆగస్ట్ 15న రావాల్సింది. కానీ పుష్ప 2 ఉండటం వల్లే వెనక్కి తగ్గిందని ఆ మధ్య ప్రచారం సాగింది. కానీ ఇప్పుడేమో కీర్తిసురేశ్ అల్లు అర్జున్కు పోటీగా వస్తోంది.
