2024 Tollywood upcoming Movies : ఒక సినిమా హిట్ అవాలంటే, కథ ఎంత ముఖ్యమో అందులో నటించే హీరోహీరోయిన్‌లు కూడా అంతే ముఖ్యం. అయితే హీరోయిన్ల విషయంలో ప్రేక్షకులు ఇంకాస్త ఎక్కువ ఆసక్తి చూపిస్తుంటారు. వాళ్ళ గ్లామర్‌ సినిమాకి మరింత ప్లస్‌ అవుతుంది అనడంలో అతిసయోక్తి అవసరం లేదు. అలాంటిది ఒకే సినిమాలో ఇద్దరు, ముగ్గురు హీరోయిన్లు కనిపిస్తున్నారంటే సినీ ప్రేమికులకు ఇక పండగే అని చెప్పాలి. ఈ నేపథ్యంలో ఒకే సినిమాలో కలిసి పని చేస్తున్న ఆ హీరోయిన్లుపై ఓ లుక్‌ ఏద్దాం..
కల్కి 2898 ఏడీ: పాన్‌ ఇండియా హీరో ప్రభాస్ నటిస్తున్న తాజా చిత్రం ‘కల్కి 2898 ఏడీ’. ఈ సినిమాలో బాలీవుడ్ హీరోయిన్లు దిశా పటానీ, దీపికా పదుకొణె కలిసి నటిస్తున్నారు. తెలుగులో దీపికా పదుకొణె నటిస్తున్న తొలి చిత్రం ఇదే. ఈ సినిమాపై భారీ అంచనాలు ఉన్నాయి.
స్వయంభూ: టాలీవుడ్‌ హీరో నిఖిల్ నటిస్తున్న పీరియాడికల్ యాక్షన్ చిత్రం ‘స్వయంభూ’. భరత్ కృష్ణమాచారి దర్శకత్వంలో వస్తున్న ఈసినిమాలో సంయుక్త మీనన్, నభా నటేశ్ హీరోయిన్లుగా కనిపించనున్నారు.
మట్కా: మెగా హీరో వరుణ్ తేజ్ నటిస్తున్న ఈ సినిమాలో మీనాక్షి చౌదరితో పాటు బాలీవుడ్ నటి నోరా ఫతేహి కనిపించనున్నారు.
భారతీయుడు-2: ప్రముఖ తమిళ నటుడు కమల్ హాసన్ హీరోగా నటిస్తున్న చిత్రం ‘భారతీయుడు-2’. శంకర్ దర్శకత్వంలో తెరకెక్కిస్తున్న ప్రతిష్టత్మకంగా రూపొందుతున్న ఈ సినిమాలో కాజల్ అగర్వాల్, రకుల్ ప్రీత్ సింగ్, ప్రియా భవానీ శంకర్ కలిసి నటిస్తున్నారు.
ది రాజా సాబ్: ప్రభాస్ హీరోగా మారుతి డైరెక్షన్‌లో వస్తున్న చిత్రం ‘ది రాజా సాబ్’. ఈ సినిమాలో ప్రభాస్ సరసన హీరోయిన్లుగా నిధి అగర్వాల్, మాళవిక మోహనన్, రిద్ది కుమార్ కలిసి కనిపించనున్నారట. ప్రస్తుతం ఈ చిత్రం షూటింగ్ దశలో ఉంది.
విశ్వంభర: మెగాస్టార్ చిరంజీవి హీరోగా వశిష్ఠ దర్శకత్వంలో వస్తున్న చిత్రం ‘విశ్వంభర’. ఈ సినిమాలో త్రిషతో పాటు ఇషా చావ్లా, సురభిలు కూడా కనిపించనున్నారట.
