నిఖిల్ సిద్దార్థ, అనుపమ పరమేశ్వరన్‌ హీరోహీరోయిన్లుగా నటిస్తున్న చిత్రం ’18 పేజెస్’.ఈ సినిమాకి ప్రముఖ దర్శకుడు సుకుమార్ కథను అందిచారు. ప‌ల్నాటి సూర్యప్రతాప్ దర్శకత్వంలో వస్తున్న ఈ రొమాంటిక్ కామెడీ ఎంట‌ర్‌ టైన‌ర్‌ డిసెంబర్ 23న ప్రేక్షకుల ముందుకు రానుంది. ఈ క్రమంలో ఈ మూవీ ట్రైలర్ అప్డేట తెలియజేశారు. డిసెంబర్ 17న ట్రైలర్ రాబోతున్నట్టు పుస్తకంలోని పేజీపై డిస్‌ప్లే చేస్తూ వినూతనంగా ప్రకటించారు.
గోపీసుందర్ సంగీతం అందిస్తున్నఈ సినిమాలో.. కోలీవుడ్‌ స్టార్ హీరో శింబు పాడిన ‘టైం ఇవ్వు పిల్లా’ పాట ఆకట్టుకుంటుంది. ఈ చిత్రాన్ని అల్లు అరవింద్‌ సమర్పణలో గీతా ఆర్ట్స్‌ 2-సుకుమార్ రైటింగ్స్‌ బ్యానర్లపై సంయుక్త నిర్మాణంలో బన్నీవాసు తెరకెక్కిస్తున్నారు. ఇటీవలే నిఖిల్ సిద్దార్థ నటించిన ‘కార్తికేయ-2’ మంచి విజయం సాంధించింది. అనుపమ కూడా పలు సినిమాలతో బిజీగా ఉన్నారు. దీంతో ఈ సినిమాపై అంచనాలు ఏర్పడ్డాయి.
