యంగ్‌ హీరో సుధీర్‌ బాబు సమ్మోహనం చిత్రం తరువాత వరుసగా ప్రాజెక్ట్‌లు ఓకే చేసేస్తున్నాడు. ప్రస్తుతం తన సొంత ప్రొడక్షన్స్‌లో ‘నన్ను దోచుకుందువటే’ సినిమాను చేస్తున్నారు. తాజాగా మరో ప్రాజెక్ట్‌ను ప్రారంభించారు.
సుధీర్‌ బాబు, మెహ్రీన్‌ కాంబినేషన్‌లో తెరకెక్కనున్న ఈ మూవీ షూటింగ్‌… ఈ రోజు (శుక్రవారం) ప్రారంభమైంది. ఈ కార్యక్రమానికి ముఖ్య అతిథులుగా డైరెక్టర్‌ వివి వినాయక్‌, పరుచూరి గోపాలకృష్ణ, దిల్‌ రాజు విచ్చేశారు. రిజ్వాన్‌ ఎంటర్‌టైన్‌మెంట్‌పై తెరకెక్కుతున్న ఈ చిత్రానికి థమన్‌ సంగీతాన్ని అందిస్తున్నాడు. పులి వాసు దర్శకత్వంలో ఈ సినిమా తెరకెక్కనుంది.
