దిల్‌ రాజు నిర్మాణంలో సతీష్‌ వేగేశ్న దర్శకత్వం వహిస్తున్న చిత్రం ‘ శ్రీనివాస కళ్యాణం’. ఈ చిత్రంలో నితిన్‌, రాశీఖన్నాలు హీరో హీరోయిన్లుగా నటిస్తున్నారు. ఇప్పటికే అన్ని కార్యక్రమాలు పూర్తి చేసుకున్న ఈ సినిమా ఆగస్టు 9న ప్రేక్షకుల ముందుకు రానుంది. పెళ్లి వేడుక నేపథ్యంలో తెరకెక్కుతున్న ఈ సినిమాకు అగ్ర కథనాయకుడు హీరో విక్టరీ వెంకటేష్‌ వాయిస్‌ ఓవర్‌ అందిస్తున్నారు. నితిన్‌.. శ్రీనివాస కళ్యాణం మీద చాలా ఆశలు పెట్టుకున్నాడు. ప్రకాష్ రాజ్, జయసుధ, నందిత శ్వేతలు ఇతర కీలకపాత్రల్లో నటిస్తున్నారు. ఈ సినిమాలో ఇంచుమించు ఇండస్ట్రీలోని క్యారెక్టర్‌ ఆర్టిస్టులందరూ నటిస్తున్నట్లు తెలుస్తోంది. కాగా ఇప్పటికే విడుదలైన ఈ సినిమా ట్రైలర్‌, పాటలు, మేకింగ్‌ వీడియోలు ప్రేక్షకులను ఆకట్టుకున్నాయి. ఈ సినిమాకు మిక్కీ జే మేయర్‌ సంగీతమందిస్తున్నాడు.
