ప్రముఖ నటుడు, మా అధ్యక్షుడు శివాజీ రాజా కుమారుడు విజయ్‌ రాజా హీరోగా తెరంగేట్రం చేయబోతున్నాడు. కె. రమాకాంత్‌ దర్శకత్వంలో విజయ్‌ రాజా హీరోగా తొలి ‘ఏదైనా జ‌ర‌గొచ్చు’సినిమా తెరకెక్కుతోంది. వెట్‌ బ్రెయిన్‌ ఎంటర్‌టైన్మెంట్‌ నిర్మిస్తున్న ఈ చిత్రం షూటింగ్‌ బుధవారం అన్నపూర్ణ స్టూడియోలో ప్రారంభమైంది. ప్రముఖ దర్శకుడు కె. రాఘవేంద్రరావు ముహూర్తపు షాట్‌కు క్లాప్‌ ఇవ్వగా రవిరాజా పినిశెట్టి కెమెరా స్విచ్‌ ఆన్‌ చేశారు. హరీష్‌ శంకర్‌ గౌరవ దర్శకత్వం వహించారు. ఈ కార్యక్రమంలో పరుచూరి బ్రదర్స్‌, ఎస్‌వీ కృష్ణారెడ్డి, కె. అచ్చిరెడ్డి, హీరో శ్రీకాంత్‌, తరుణ్‌ పాల్గొన్నారు.
ఈ సందర్భంగా శివాజీరాజా మాట్లాడుతూ….నన్ను 32 ఏళ్లుగా నటుడుగా ఆదరిస్తున్నారు. అదే ఆదరణ , ప్రేమ మా అబ్బాయి విజయ్‌ రాజాకు కూడా అందించాలని కోరుకుంటున్నా. ఈ చిత్ర దర్శకుడు రమాకాంత్‌ మాట్లాడుతూ.. చంద్రశేఖర్‌ ఏలేటి గారి వద్ద దర్వకత్వ శాఖలో పని చేశాను. ఆ అనుభవంతోనే ఈ చిత్రానికి డైరక్షన్‌ చేస్తున్నా. హర్రర్‌ జానర్‌లో సాగే కామెడీ థ్రిల్లర్‌ చిత్రమిది అన్నారు. హీరో విజయ్‌ రాజా..నేను హీరో అవడానికి అమ్మా నాన్నల సపోర్ట్‌ మావయ్య సపోర్ట్‌ ఎంతో ఉంది అన్నాడు. కాగా ఈ చిత్రానికి సంగీతం శ్రీకాంత్‌ పెండ్యాల అందిస్తున్నాడు.
