శకలక శంకర్‌ హీరోగా వస్తున్న చిత్రం ‘శంభో శంకర’. ఎన్‌. శ్రీధర్‌ దర్శకుడిగా పరిచయం చేస్తూ ఆర్‌. ఆర్‌. పిక్చర్స్‌ సంస్థ, ఎస్‌.కె. పిక్చర్స్‌ స్పమర్పణలో వై. రమణారెడ్డి, సురేష్‌ కొండేటి సంయుక్తంగా ఈ చిత్రాన్ని నిర్మిస్తోంది. ఇటీవలే విడుదలైన ఈ చిత్ర టీజర్‌కు, రెండు పాటలకు విశేష స్పందన లభించింది. విడుదలైన 3 రోజులకే 30 లక్షల వ్యూస్‌ను పొంది ఇప్పటికీ 40 లక్షలకు పైగా చేరుకుంది. ఇక ఈ చిత్రానికి సంబంధించిన ‘గుచ్చుకున్నావే’ అనే 3వ పాటను అమలాపురంలో ప్రముఖ నిర్మాత దిల్‌ రాజు విడుదలచేశారు. ఈ చిత్రంలో ఈ పాటే హైలైట్‌గా నిలవనుందని నిర్మాతలు తెలుపుతున్నారు.
ఈ సందర్భంగా దిల్‌ రాజు మాట్లాడుతూ..”శంకర్‌ ఒక కమెడియన్‌గా తన కెరీర్‌ను స్టార్ట్‌ చేశారు. అప్పటినుంచే ప్రేక్షకుల మన్ననలను పొందుతూ ఈ స్థాయికి చేరుకున్నారు. హీరోగా కూడా తాను రాణిస్తాడని, ప్రేక్షకులు ఆదరిస్తారని ఆశిస్తున్నా. పాటలు చాలా బాగున్నాయి. చిత్ర యూనిట్‌కు శుభాకాంక్షలు తెలుపుతున్నాను..” అని అన్నారు. ఇప్పటికే షూటింగ్‌ పూర్తి చేసుకున్న ‘శంభో శంకర’ చిత్రాన్ని ఈ నెలాఖరున విడుదల చేయడానికి సన్నాహాలు చేస్తున్నట్లు చిత్ర బృందం ఈ సందర్భంగా తెలియజేశారు.
