టాలీవుడ్‌ సీనియర్‌ హీరో విక్టరీ వెంకటేష్‌.. గురు సినిమా రిలీజ్ తరువాత లాంగ్‌ గ్యాప్‌ తీసుకున్నాడు. వెంకీ ప్రస్తుతం వరుసగా సినిమాలను అంగీకరిస్తున్నారు. ప్రస్తుతం అనిల్‌ రావిపూడి దర్శకత్వంలో ‘ఎఫ్‌ 2 ఫన్‌ అండ్‌ ఫ్రస్ట్రేషన్‌’ సినిమాలో నటిస్తున్నారు.ఈ చిత్రంలో వెంకటేష్‌తో పాటు వరుణ్‌ తేజ్‌ మరో ప్రధాన పాత్రలో నటిస్తున్నారు. ఈ సినిమా తరువాత కేయస్‌ రవీంద్ర (బాబీ) దర్శకత్వంలో నాగచైతన్యతో కలిసి ‘వెంకీమామ’ సినిమా చేయనున్నారు.
అయితే తాజా సమాచారం ప్రకారం.. ‘వెంకీ మామ’ తో పాటు మరో సినిమా కూడా చేసేలా ప్లాన్‌ చేసుకుంటున్నాడు వెంకటేష్‌. త్రినాథ్‌ రావు నక్కిన దర్శకత్వంలో ఓ ఎమోషనల్‌ డ్రామాకు ఓకె చెప్పినట్టుగా తెలుస్తోంది. వెంకటేష్‌ పోలీస్‌ ఆఫీసర్‌గా కనిపిస్తున్న ఈ చిత్రంలో తమిళ స్టార్‌ హీరో సూర్య కీలక పాత్రలో నటిస్తున్నట్లు సమాచారం. ఫ్లాష్‌ బ్యాక్‌ ఎపిసోడ్‌లో దాదాపు 20 నిమిషాలు పాటు సూర్య కనిపించనున్నాడట. ప్రస్తుతానికి అధికారిక ప్రకటన లేకపోయినా వెంకటేష్‌ సినిమాలో సూర్య నటించటం కన్ఫామ్‌ అన్న ప్రచారం జరుగుతోంది.
