కమల్ హాసన్‌ నటించి, దర్శకత్వం వహిస్తున్న చిత్రం ‘విశ్వరూపం 2’ విడుదలకు అన్ని అడ్డంకులు తొలగిపోయాయి. అడ్డంకులను అధిగమించి తెలుగు , తమిళ , హిందీ వెర్షన్లలో భారీ ఎత్తున విడుదల కానుంది . విశ్వరూపం 2 చిత్రాన్ని విడుదల కాకుండా పిరమిడ్ సైమిరా సంస్థ కోర్టులో కేసు వేయడంతో ఈ సినిమా విడుదల పై అనుమానాలు వ్యక్తమయ్యాయి.
దానికి తోడు కరుణానిధి మరణంతో విశ్వరూపం 2 సినిమా వాయిదా పడటం ఖాయమని అనుకున్నారు.. కట్ చేస్తే పిరమిడ్ సైమిరా వాళ్లకు కమల్ 7. 75 కోట్లు చెల్లించడంతో పిటీషన్ ని మద్రాస్ హైకోర్టు కేసు కొట్టివేసింది . దీంతో న్యాయ పరంగా ఉన్న అడ్డంకి కూడా తొలగిపోయింది. కాగా ఈ సినిమా ముందుగా అనుకున్న ప్రకారమే ఆగస్టు 10న (రేపు) విడుదల కాబోతున్నది.
