అలనాటి నటి సావిత్రి బయోపిక్‌ ‘మహానటి’ సినిమా గురించి మనకు తెలిసిందే. ఈ చిత్రంలో దుల్కర్ నటించిన సంగతి తెలిసిందే. ఇందులో ఆయన సావిత్రి భర్త జెమిని గణేశన్ పాత్రలో కనిపించారు. టైటిల్‌ రోల్‌ షోషించిన కీర్తి సురేష్ తో పాటు దుల్కర్ నటన కూడా అద్భుతంగా ఉందని విమర్శకులు, ప్రముఖులు ప్రశంసించారు. చిత్రం చక్కగా ఉందని ట్వీట్‌ చేశారు. అయితే ఇప్పుడు తాజాగా రకుల్ ప్రీత్‌ కూడా మహానటి చిత్ర బృందాన్ని అభినందిస్తూ ట్వీట్‌ చేశారు. చివరికి మహానటి చిత్రాన్ని చూశాను. ఇది ఓ మాస్టర్‌పీస్‌.. సినిమాను ఇలా తెరకెక్కించిన మొత్తం యూనిట్‌కు అభినందనలు. సావిత్రిగారు ఎప్పటికీ గుర్తుండి పోతారు. కీర్తి సురేశ్‌ ఎంత చక్కగా నటించావు. సమంత, విజయ్‌ దేవరకొండ కూడా చాలా బాగా చేశారు అని ట్వీట్‌ చేసింది రకుల్.
ఈ చిత్రంలో నటించిన దుల్కర్ సల్మాన్‌ గురించి ప్రస్తావించకపోవడంతో ఆయన అభిమానులు సోషల్ మీడియాలో రకుల్‌పై మండిపడుతూ ట్వీట్‌లు చేస్తున్నారు. సినిమాలో ప్రధాన పాత్ర పోషంచిన ఆయన పేరును రకుల్ ప్రస్తావించకపోవడంతో విమర్శలు గుప్పిస్తున్నారు. ఈ చిత్రంలో హీరో ఎవరో తెలుసా? నిజంగానే సినిమా చూశావా? లేక జోక్‌ చేస్తున్నావా?, ఆయన మలయాళంలో సూపర్‌స్టార్‌ తెలుసా? నువ్వు దుల్కర్‌ను మిస్‌ చేశావ్‌?..అంటూ తెగ కామెంట్లు చేశారు.
