మెగాస్టార్‌ చిరంజీవి నటిస్తున్న చారత్మతిక చిత్రం ‘సైరా నరసింహారెడ్డి’. ఈ చిత్రాని కొణిదెల ప్రొడక్షన్‌ కంపెనీ బ్యానర్‌పై రామ్‌చరణ్‌ నిర్మిస్తున్నాడు. కాగా ఈ సినిమా టీజర్‌ ఈ రోజు ప్రేక్షకుల ముందుకు వచ్చింది. ఆగస్టు 22న చిరంజీవి పుట్టిన రోజు సందర్భంగా ఒకరోజు ముందే ఈ సర్‌ప్రైజ్‌ను ప్రేక్షకులను అందించారు. ఇక టీజర్‌లోకి వెలితే..
‘బ్రిటిష్ పాలనలోని రాచరికాలను చూపించారు. ఓ బ్రిటిష్ వ్యక్తి ‘సైరా నరసింహారెడ్డి’ అని అరుస్తున్నప్పుడు చిరంజీవి గుర్రంపై వచ్చి పోరాడుతున్న సన్నివేశాలు హైలైట్‌గా నిలిచాయి. స్వాతంత్ర్య సమరయోధుడు ఉయ్యాలవాడ నరసింహారెడ్డి జీవితం ఆధారంగా ఈ చిత్రాన్ని సురేందర్ రెడ్డి తెరకెక్కిస్తున్నారు. ఉయ్యాలవాడ పాత్రలో చిరు ఒదిగిపోయారు.ఈ చిత్రంలో చిరంజీవికి జోడీగా నయనతార నటిస్తుంది. బాలీవుడ్‌ మెగాస్టార్‌ అమితాబ్‌ బచ్చన్‌..చిరంజీవికి గురువుగా కీలక పాత్ర పోషించారు.
విజయ్‌ సేతుపతి, జగపతిబాబు, సుదీప్‌, తమన్నా తదితరులు కీలక పాత్రలు పోషిస్తున్నారు. శరవేగంగా చిత్రీకరణ జరుపుకొంటున్న ఈ సినిమా వచ్చే ఏడాది సంక్రాంతికి విడుదల కానుంది. సుమారు రూ.200కోట్ల భారీ బడ్జెట్‌తో ఈ సినిమా తెరకెక్కుతోంది. తెలుగుతో పాటు, హిందీ, తమిళ్‌ తదితర భాషల్లో సినిమా విడుదల చేసేందుకు చిత్ర బృందం సన్నాహాలు చేస్తోంది.
