సూపర్‌ స్టార్‌ మహేశ్‌ బాబు ఇటీవలే నటించిన భరత్‌ అనే నేను సినిమాతో ఘనవిజయం సాధించిన విషయం తెలిసిందే. ప్రస్తుతం వంశీ పైడిపల్లి దర్శకత్వంలో తెరకెక్కబోయే సినిమా కోసం సిదద్ధమవుతున్నారు. త్వరలో రెగ్యులర్‌ షూటింగ్‌కు వెళ్లనున్న ఈ చిత్రంలో మహేశ్‌ బాబు డిఫరెంట్‌ లుక్‌తో కనిపించనున్నాడు. అయితే ఈ సినిమా గురించి ఓ వార్త సోషల్‌ మీడియాలో వినిపిస్తోంది.
మహేశ్‌ తన 25 వ చిత్రం కోసం సెట్స్‌ పైకి వెళ్లడానికి రెడీ అవుతున్నాడు. ప్రస్తుతం అందుకు సంబంధించిన ఏర్పాట్లలో దర్శకుడు వంశీ పైడిపల్లి బిజీగా ఉన్నాడు. మహేశ్‌ బాబు కెరియర్లో సంఖ్యా పరంగా ఈ సినిమా ప్రత్యేకతను సంతరించుకోవడంతో, వంశీ పైడిపల్లి ప్రత్యేక శ్రద్ధ తీసుకుంటున్నాడు. మహేశ్‌ బాబు అభిమానులకి పూర్తిస్థాయిలో సంతృప్తిని కలిగించేలా ఆయన ఈ సినిమా కథను తీర్చిదిద్దాడని అంటున్నారు. ఈ సినిమా కోసం ‘రాజసం’ అనే టైటిల్‌ను పరిశీలిస్తున్నట్టుగా ప్రచారం జరుగుతోందని తెలుస్తోంది. ఇందులో వాస్తవమెంతో చూడాలి మరి. ఈ సినిమాలో మహేశ్‌ బాబు సరసన కథానాయికగా పూజా హెగ్డేను ఎంపిక చేసిన విషయం తెలిసిందే. పూజా హెగ్డే మంచి హైట్‌ కావడంతో తెరపై ఈ జంట కనువిందు చేయడం ఖాయమనేది అభిమానుల మాట.
