ఇటీవల సాక్ష్యం సినిమాతో ఆకట్టుకున్న యంగ్ హీరో బెల్లంకొండ శ్రీనివాస్ ప్రస్తుతం తన ఐదో పనుల్లో బిజీగా ఉన్నారు. ప్రస్తుతం హైద‌రాబాద్‌లో ఈ చిత్ర షూటింగ్ జ‌రుగుతుంది. కొత్త ద‌ర్శకుడు శ్రీనివాస్ ఈ చిత్రాన్ని తెర‌కెక్కిస్తున్నాడు. కాగా ఈ చిత్రంలో ప్రముఖ నటి కాజల్ అగర్వాల్ హీరోయిన్‌గా నటిస్తున్న సంగతి తెలిసిందే. కాగా తాజాగా ఈ చిత్రంలో ఇప్పడు మరొక నటి మెహ్రీన్ ప్రిజాద కూడా జాయిన్ అయింది. అంటే స్క్రీన్ మీద ఈ ఇద్దరు ముద్దుగుమ్మలు పోటీపడనున్నారన్నమాట.
ఇలా ఇద్దరు హీరోయిన్లు నటిస్తున్న ఈ ట్రైయాంగిల్ లవ్ స్టోరీని శ్రీనివాస్ డైరెక్ట్ చేస్తున్నారు. వంశధార క్రియేషన్స్ పతాకంపై రూపొందుతున్న ఈ చిత్రానికి తమన్ సంగీతాన్ని అందిస్తున్నారు. ఈ చిత్రంలో బాలీవుడ్ నటులు నీల్ నితిన్ ముఖేష్, హర్షవర్ధన్ రానేలు కూడ నటిస్తున్నారు. ఇప్పటికే షూటింగ్ మొదలుపెట్టుకున్న ఈ చిత్రం కొంత చిత్రీకరణను పూర్తిచేసుకుంది. ఛోటా కే నాయుడు సినిమాటోగ్రాఫ‌ర్ గా ప‌ని చేస్తున్నారు.
