చిన్న సినిమాల డైరెక్టర్‌ సంపత్‌ నంది అందించిన కథ, కథనాలతో తెరకెక్కిన సినిమా పేపర్‌ బాయ్‌. ఈ సినిమా ట్రైలర్‌తో బాగానే పాపులర్‌ అయింది. ప్రస్తుతం ఈ మూవీకి సంబంధించిన ఓ వార్త ఆసక్తికరంగా మారింది.
ఇలాంటి చిన్న సినిమాలు అందరి దృష్టిని ఆకర్షించడం మంచి పరిణామం. పైగా చిత్రయూనిట్‌ కూడా సినిమాకు వినూత్న రీతిలో ప్రమోషన్స్‌ చేస్తున్నారు. ఇప్పుడు ఈ సినిమా గీత ఆర్ట్స్‌ చేతిలోకి వెళ్లింది. అల్లు అరవింద్‌ లాంటి పెద్ద నిర్మాత చేతిలో సినిమా పడితే.. సినిమాకు ఓపెనింగ్స్‌ కూడా బాగానే వచ్చే అవకాశం ఉంది. ఇక సినిమా కంటెంట్‌ ప్రేక్షకులకు నచ్చితే మంచి విజయాన్ని సొంతం చేసుకోవచ్చు. ఈ చిత్రంలో శోభన్ కు జోడీగా రియా సుమన్ కథానాయకిగా నటించగా తాన్య హోప్ ఒక కీలక పాత్రలో నటించారు. ఈ చిత్రానికి భీమ్స్ సంగీతాన్ని అందించారు. మహేష్ బాబు కూడా కొద్ది రోజుల క్రితం విడుదలైన ఈ చిత్ర ట్రైలర్ ను మెచ్చుకోవడం జరిగింది. ఈ చిత్రం ఆగస్టు 31న ప్రేక్షకుల ముందుకు రానుంది.
