లోఫర్ సినిమాతో తెలుగు తెరకు పరిచయమైన హీరోయిన్ దిశాపటానీ ఆ తర్వాత బాలీవుడ్‌లో ఆఫర్లు రావడంతో అక్కడే హీరోయిన్‌గా కొనసాగుతోంది. ఇటీవల బాఘీ-2 మూవీతో సక్సెస్ అందుకున్న ఈ బ్యూటీ త్వరలో సల్మాన్ ఖాన్ మూవీ భరత్‌లో హీరోయిన్‌గా కనిపించనుంది. అలీ అబ్బాస్ జాఫర్ దర్శకత్వంలో తెరకెక్కుతున్న భరత్ మూవీలో ప్రియాంక చోప్రాతో పాటు దిశాపటానీ రెండో హీరోయిన్‌గా నటించబోతుంది.
తాజాగా దిశా పటానీకి మరో స్టార్ హీరో సరసన ఛాన్స్ వచ్చిందట. దాంతో ఎగిరి గంతేసి ఒప్పేసుకుందట. హృతిక్ రోషన్ హీరోగా రోహిత్ ధావన్ దర్శకత్వంలో ఓ సినిమా తెరకెక్కబోతుందట. ఆ సినిమాలో హీరోయిన్‌గా దిశాను అడిగితే వెంటనే ఓకే చెప్పేసిందట. కెరీర్‌ ఆరంభంలో మీడియం రేంజ్ హీరోలతో వచ్చిన అవకాశాలను వద్దనుకున్న ఈ భామ స్టార్ హీరోల సరసన ఛాన్స్‌లు కొట్టేయడంలో సక్సెస్ అవుతోందనే చెప్పాలి.
