టాలీవుడ్‌ చందమామ కాజల్‌ మంగళవారం తన పుట్టినరోజు జరుపుకుంటున్నారు. ఈ సందర్భంగా పలువురు సినీ ప్రముఖులు ఆమెకు ట్విటర్‌ వేదికగా శుభాకాంక్షలు చెప్పారు. హిందీలో సూపర్‌ హిటైన ‘క్వీన్‌’ సినిమాను తమిళంలో ‘ప్యారిస్‌ ప్యారిస్‌’ పేరుతో రీమేక్‌ చేస్తున్నారు. ఈ చిత్రంలో కాజల్‌ ప్రధాన పాత్రలో నటిస్తోంది. కంగనా రనౌత్‌ పాత్రలో కాజల్‌ కనిపించనున్నారు. రమేశ్‌ అరవింద్‌ ఈ చిత్రానికి దర్శకత్వం వహిస్తున్నారు. ఈ సినిమా షూటింగ్‌ శరవేగంగా జరుగుతోంది. తమిళంతోపాటు తెలుగు, మలయాళం, కన్నడ భాషల్లోనూ తెరకెక్కిస్తున్నారు. వీటిలో తమన్నా, మంజిమా మోహన్‌, పరూల్‌ యాదవ్ టైటిల్‌ రోల్‌లో నటిస్తున్నారు.
కాజల్‌ పుట్టినరోజు సందర్భంగా ఈ సినిమా మేకింగ్‌ వీడియోను విడుదల చేశారు. కాజల్‌కు జన్మదిన శుభాకాంక్షలు చెబుతూ ప్రత్యేక వీడియోను పంచుకుంటున్నట్లు దర్శకుడు వీడియోలో చెప్పారు. మేకింగ్‌ చూస్తుంటే సినిమాను చక్కగా భావోద్వేగాలతో తెరకెక్కించినట్లు తెలుస్తోంది. కాజల్‌ తెలుగులో ‘ఎమ్మెల్యే’ తర్వాత మరో ప్రాజెక్టుకు సంతకం చేశారు. శ్రీనివాస్‌ దర్శకత్వం వహిస్తున్న ఈ సినిమాలో బెల్లంకొండ శ్రీనివాస్‌ కథానాయకుడు. ఇటీవల షూటింగ్‌ ప్రారంభమైంది.
