మాట‌ల మాంత్రికుడు త్రివిక్ర‌మ్ శ్రీనివాస్ ద‌ర్శ‌క‌త్వంలో ఎన్టీఆర్ కొత్త సినిమా టైటిల్, ఫ‌స్ట్ లుక్ ఈరోజు సాయంత్రం విడుదల చేసారు. ఎన్టీఆర్ న్యూలుక్ అదిరింది. గ‌తంతో పోలిస్తే ఒక్క టెంప‌ర్ లో మాత్ర‌మే ఎన్టీఆర్ సిక్స్ ప్యాక్ తో క‌నిపించారు. ఆ త‌రువాత వ‌చ్చిన నాన్న‌కు ప్రేమ‌తో, జ‌నతా గ్యారేజ్, జై ల‌వ‌కుశ చిత్రాల‌లో అలాంటి లుక్ మ‌న‌కు క‌నిపించలేదు. మ‌ర‌లా త్రివిక్ర‌మ్ సినిమా కోసం బాడీ బిల్టింగ్ చేశాడు. దీని కోసం తార‌క్ చాలా క‌ష్ట‌ప‌డ్డాడట.
ఈ చిత్రం రాయ‌ల‌సీమ బ్యాక్ డ్రాప్‌ తో రానుంది అని చెబుతున్నారు. దీనికి త‌గిన విధంగానే ”అర‌వింద స‌మేత రాఘ‌వ” చిత్రం ఫ‌స్ట్ లుక్ లో ఎన్టీఆర్ క‌త్తి ప‌ట్టుకున్ని ద‌ర్శ‌న‌మిచ్చాడు. ఈ ఫ‌స్ట్ లుక్ తో అభిమానులు ఆనందంలో మునిగిపోయారు. ఈ సినిమా మాస్ ప్రేక్ష‌కుల‌కి మ‌రింత ద‌గ్గ‌ర కానుంది. టైటిల్ ప‌రంగా క్లాస్ గా ఉంది. అస‌లు ఈ క‌థ ఏ త‌ర‌హాకు చెందినదో తెలియాలంటే వేచి చూడాల్సిందే.
