చాలా కాలంపాటు సరైన హిట్‌ కోసం ఎదురు చూసిన సుమంత్‌కు ‘మళ్లీ రావా’తో క్లాస్‌హిట్‌ లభించింది. తనకు కలిసి వచ్చిన ప్రేమకథతోనే మళ్లీ ట్రాక్‌లోకి వచ్చారు. ప్రస్తుతం సుమంత్ తన తదుపరి ప్రాజెక్ట్‌లతో బిజీగా ఉన్నారు.
ప్రస్తుతం సుమంత్ ఓ క్రైమ్‌ థ్రిల్లర్‌ను పట్టాలెక్కిస్తున్నారు .సుమంత్ హీరోగా నటిస్తున్న చిత్రం ‘ఇదం జగత్‌’. సుమంత్ జర్నలిస్ట్‌గా నటిస్తోన్నఈ సినిమాతో అనిల్‌ శ్రీకంఠం దర్శకుడిగా పరిచయం కాబోతున్నారు. ఈ మూవీలో ప్రేమమ్‌ ఫేం అంజు కురియెన్‌ హీరోయిన్‌గా నటిస్తున్నారు. తాజాగా ఈ సినిమాకు సంబంధించిన ఫస్ట్‌ లుక్‌ను విడుదల చేశారు. ఈ లుక్‌కు పాజిటివ్‌ రెస్పాన్స్‌ వస్తోంది. ఈ చిత్రంతో పాటు సూపర్‌ నేచురల్‌ థ్రిల్లర్‌గా తెరకెక్కుతున్న’సుబ్రహ్మణ్యపురం’ సినిమాలోనూ నటిస్తున్నారు. ఈషా రెబ్బా కథానాయిక. సంతోష్‌ జాగర్లపూడి దర్శకత్వం వహిస్తున్నారు. ఇటీవల ఈ సినిమా పూజా కార్యక్రమాన్ని నిర్వహించారు. హీరో నాగచైతన్య చిత్రం ముహూర్తపు సన్నివేశానికి క్లాప్‌ కొట్టారు.
